(Vídeo) Ourense chora a marcha do Entroido e queima a Sardiña na Praza Maior

A cidadanía de Ourense xuntouse na Praza Maior para chorar a marcha do Entroido neste mércores de cinza. A festividade máis alegre do ano marcha até o ano que vén, polo que hai que enterrar á sardiña. Os choros e lamentos sentíanse por todo o casco vello da cidade. Viúvas e viúvos concentráronse na Praza Maior para chorarlle á sardiña.

A comitiva funeraria tomou o seu camiño pola rúa do Paseo, baixo o ritmo da Charanga Nova das Terras de Trives, que alternaban a música fúnebre coa música de Entroido e, namentres, as carpideiras choraban os sete chorares ou bailaban ao son da charanga. Tamén a raíña do Entroido 2018 de Ourense, Renata Tijerino, lamentaba esta fin do Entroido.

Finalmente, a sardiña volveu á Praza Maior, onde lle agardaba o seu triste destino de morrer queimada. A través de pirotecnias, o fume e o lume foi desfacendo a estrutura entre lapas e lamentos das viúvas. Unha vez a sardiña estivo queimada, do tellado da Casa do Concello arrancaron os fogos de artificio, dando si fin aos festexos até o ano que vén.

Fotos e vídeo: Carlos Asensio

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies