As concellarías de Educación e Política Social de Ourense iniciaron esta mañá as súas programacións de actividades de verán, que se desenvolven en 10 centros educativos da cidade, nos cinco centros cívicos, na Aula de Natureza do río Miño e no Parque Botánico de Montealegre. Escolares de Infantil e Primaria desfrutaron esta mañá da primeira das sesións destes programas de actividades, “que pretenden poñer á disposición das familias ourensás un importante recurso para a conciliación, ofertarlle á rapazada actividades de lecer durante as súas vacacións escolares e dinamizar os espazos públicos durante o verán”.
A estas actividades unirase o vindeiro luns o servizo “Emocioteca: Libres e Iguais”, con actividades deseñada para favorecer un lecer igualitario e a convivencia coa diversidade da poboación infantil, na Concellaría de Igualdade, na rúa do Ensino.
