Galerías de fotosOurenseÚltima hora

Ourense dá a benvida á primavera coa “queima das Madamitas”

A Pirotecnia Josman foi un ano máis a encargada do espectáculo, acto central da Festa do San Lázaro

Varias figuras con forma humana feitas con papel, arame e pólvora, xirann no soporte sobre o que descansan ata que, de repente, estoupan levantando unha gran fumeira. Atenta, unha multitude de público rodea o espectáculo diante da Subdelegación do Goberno en Ourense. Trátase da queima da Madamitas, o acto central da Festa de San Lázaro coa que cada ano a cidade das Burgas dá a benvida á primavera.

No mediodía do Domingo de Pascua, Ourense despedía o inverno con esta tradicional festa, unha celebración de inicio da primavera, centrada no parque de nome homónimo, que vai unida dende hai anos ás rosquillas que os pais e padriños regalaban aos nenos. Por iso o entorno do parque de San Lázaro, énchese en cada ocasión de postos con roscas, lambetadas e todo tipo de doces.

Un ano máis, a Pirotecnia Josman sorprendía cun espectáculo que facía as delicias de nenos e maiores e que se desenvolvía sen ningún tipo de percance. Como medida de precaución, os Bombeiros de Ourense estaban presentes durante a queima.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close