Galerías de fotosOurenseÚltima hora

Ourense honra ao seu patrón, San Martiño, con cultos e magosto popular

A cita coas castañas asadas tiña lugar na tarde do 11 de novembro no parque Barbaña

Xa de mañá comezaban os actos na honra a San Martiño na cidade das Burgas, coa ofrenda do alcalde Jesús Vázquez na eucaristía celebrada na Catedral de Ourense. Con todo, un ano máis foi o tradicional magosto organizado polo Concello, o que centrou o programa na tarde do domingo 11 de novembro.

Ao cuberto de varias carpas, ante a insistente chuvia que non deu trgua, centos de persoas asistían á cita no parque Barbaña. A fogueira comezaba a arder en torno ás 17 horas, e só media hora despois comezaba a venda de tíckets, a 1 €, para recoller o menú: cucurucho de castañas, pan con chourizo, e viño ou auga. Tamén houbo obradoiros infantís e animación musical a cargo dos Daniñas e da Agrupación AOFT Gomes Mouro.

A previsión da Concellería de Cultura era repartir 2.000 bolos preñados (50 máis para celíacos), 1.000 quilos de castañas asadas, 100 botellas de viño e 1.600 de auga.

Fotos: Carlos G. Hervella.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close