Publicidade
OurenseÚltima hora

Ourense presenta os campamentos “Explora Ourense” e “Natur-Camp”

Ofrecerán actividades deportivas, culturais, musicais e de natureza entre xullo e agosto

O complexo turístico do Corgo (Muíños) acollerá este verán, novamente, os campamentos “Explora Ourense” e “Natur-Camp”, que ofrecerán actividades deportivas, culturais, musicais e de natureza aos ourensáns de entre 9 e 17 anos.

A actividade será “nun dos lugares máis emblemáticos da nosa provincia, perfectamente disposto para desenvolver estes eventos con éxito acreditado en todas as anteriores edicións, e con total satisfacción dos usuarios e das persoas que os atenderon”, destacou o presidente da Deputación de Ourense, Manuel Baltar, na presentación, que tivo lugar hoxe na sala de prensa do Pazo Provincial, onde estivo acompañado polo alcalde de Muíños, Plácido Álvarez; o representante de Sustinea, Paulo Vázquez; e o representante de La Casa de la Música, Fernando Calvo.

 

Durante a presentación da actividade.

 

O tradicional campamento “Explora Ourense”, que leva seis anos celebrándose, volve ao calendario estival para que 50 rapaces de entre 9 e 14 anos, en diferentes quendas, “poidan coñecer a riqueza natural e cultural da nosa provincia”.

Desenvolverase do 1 ao 6 de agosto para 25 rapaces de 12 a 14 anos; e do 7 ao 12 de agosto, para 25 rapaces de entre 9 e 11 anos. Os interesados en participar poderán inscribirse desde mañá, 7 de xullo ata o 16 de xullo, e deberán formular a inscrición no Rexistros da Deputación ou dos concellos da provincia. A cota de inscrición para participar no campamento é de 88 euros.

A segunda actividade presentada hoxe foi “Natur-Camp”, un campamento que ofrecerá á mocidade de 12 a 17 anos, un variado programa de actividades culturais e deportivas. “Natur-Camp”, que se celebra por segundo ano, desenvolverase do 25 ao 31 de xullo, en Muíños, para que a mocidade de 12 a 17 anos, ata cubrir as 40 prazas ofertas, poidan realizar as actividades que se planificaron ao redor de dous pilares: no apartado musical con propostas de iniciación ao canto, á guitarra, ao baile moderno, para o que non é necesario ter coñecementos previos, e tamén haberá actividades propias dos campamentos de verán como sendeirismo, actividades náuticas ou escola de patinaxe.

Os interesados en participar poderán inscribirse desde mañá ata o 15 de xullo e poden recollerse os impresos no Rexistro da Deputación ou ben a través da páxina web de La Casa de la Música, e deberán presentalo nas oficinas de Rexistro da Deputación. A cota de inscrición é de 88 euros. En ambos campamentos, se hai máis solicitudes que prazas, procederase a realizar un sorteo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close