En portadaÚltima hora

Ourense, a provincia galega máis afectada polos lumes con 22.623 has queimadas

Ademais era a provincia con máis superficie arrasada de Rede Natura, con 6.769,39 has
Superficie queimada en Viana do Bolo na vaga de lumes de outubro.

Unha vez máis o lume tense cebado de maneira especial coa provincia de Ourense. E así se pon de manifesto nos datos da vaga de lumes que a Consellería do Medio Rural acaba de facer públicos. Así ten sido a máis afectada das catro galegas, ao sumar un total 22.623 hectáreas arrasadas. O último incendio en controlarse era o de Viana do Bolo, o pasado 18 de outubro.

As últimas medicións, segundo Medio Rural, indican que a superficie queimada ascende a 49.171,59 hectáreas no conxuntod e Galicia, que rexistran distinta gradación nos danos. Desta superficie, o 53,08% foi de monte arborado (26.098,13 hectáreas) mentres que a rasa representa o 46,92% (23.073,46 hectáreas). Se analizamos a área danada nesa fin de semana de outubro por provincias, despois de Ourense sitúase Pontevedra con 20.085,86 ha, Lugo con 5.734,45 ha e, finalmente, A Coruña con 728,05 hectáreas.

Asemade Ourense foi, con notable diferenza, onde ardeu máis superficie en Rede Natura: con 6.769,39 ha, seguida polas 4.523 ha da provincia de Lugo.

A Consellería do Medio Rural vén de rematar a xeorreferenciación do territorio afectado durante a citada vaga de lumes na que o dispositivo de loita contra incendios forestais de Galicia tivo que facer fronte a 264 incendios durante cuxa extinción se fixo necesario priorizar a atención ás áreas de poboación que estaban sendo afectadas.

Ademais Medio Rural apunta que “agora toca traballar na consolidación de solos e restauración de zonas queimadas, priorizando aqueles incendios de máis de 300 hectáreas que houbo ao longo do ano 2017 e que ascenden a 32 casos”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close