Ourense súmase á campaña “En la carretera, cerveza SIN”

A vindeira semana abriranse as inscricións dunha nova convocatoria dos cursos de condución segura de motos, que se realizarán en setembro en distintas cidades galegas

O grupo de moteiros de Harley Davidson que están a percorrer España como embaixadores do programa “En la carretera, cerveza SIN”, eran cecibidos na mañá do 11 de xullo no Concello de Ourense que se suma así, a esta proposta para concienciar sobre a incompatibilidade de alcohol e condución posta en marcha por Cerveceros de España que conta co apoio da Dirección Xeral de Tráfico.

O alcalde de Ourense, Jesús Vázquez e o concelleiro de Seguridade Cidadá, Carlos Campos, foron os encargados de recibir aos seis protagonistas desta iniciativa, que este ano percorrerá 4.700 quilómetros e 19 cidades, que animaron os ourensáns a non beber alcohol cando vaian conducir este verán. Nesta liña, o alcalde recordou que “existen alternativas” ao consumo de alcohol cando se vai coller o volante. “Esta campaña ten que ser unha chamada de atención para que interioricemos que un condutor comprometido é a mellor opción para poñer fin a sucesos nos que o alcohol está a truncar vidas nas nosas estradas”, apuntou o rexedor, explicando que “pequenos xestos” como pode ser o cambiar o consumo de cervexa por cervexa sen alcohol “son un paso cara adiante neste camiño no que as administracións e os cidadáns temos que ir da man”.

Á presentación desta campaña (que este ano chega á maioría de idade) en Ourense, asistiron a conselleira de Infraestruturas e Vivenda, Ethel Vázquez; o xefe provincial de Tráfico, David Llorente e representantes da asociación Stop Accidentes e Cristina de Aguirre, Responsable de Asuntos Sociales de Cerveceros de España. No acto Vázquez, avanzou que a vindeira semana abrirase o prazo para inscrición dunha nova convocatoria dos cursos de condución segura de motos, que se realizarán o vindeiro mes de setembro en distintas cidades galegas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies