Publicidade
OurenseÚltima hora

Ourense, unha cidade de jazz

O Verán Cultural de Ourense amplíase con catro concertos de jazz de Alfonso Medela Trío, os mércores 15 e 29 de xullo e os mércores 12 e 26 de agosto ás 20:30 horas, de balde

O alcalde de Ourense, Gonzalo Pérez (centro), acompañado do concelleiro de Cultura, Marcos Pérez, e do director do Centro Comercial Ponte Vella, Marcos Vila.

 

O Concello de Ourense amplía a súa oferta cultural para os meses de verán con catro concertos de jazz na terraza do Centro Comercial Ponte Vella. O artista convidado é Alfonso Medela Trío; compositor, pianista e Profesor superior de Piano natural do Carballiño, que actuará coa súa formación habitual e acompañado pola voz de Diana Tarín. As actuacións serán os mércores 15 e 29 de xullo e os mércores 12 e 26 de agosto ás 20:30, na terraza do Centro Comercial Ponte Vella, con entrada gratuíta.

O concelleiro de Cultura do municipio, Mario González destacou que Ourense “É unha cidade de jazz” e quixo poñer en valor a idoneidade deste emprazamento afirmando que se trata de “un espazo público, co río Miño e a Ponte Vella de fondo”. O alcalde de Ourense, Gonzalo Pérez, eloxiou tanto os horarios como o lugar escollidos pola concellería e asegurou que con este tipo de proxectos “imos levar o microliberalismo ao mundo da Cultura (…) que os cidadáns poidan escoller a cultura que queren de forma que se adapte aos seus desexos”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close