ConcellosEn portadaGalerías de fotosÚltima hora

Outarelo (O Barco) mantense fiel a San Francisco Blanco

A procesión coa imaxe do santo e a súa reliquia saía na mañá do 2 de febreiro

A chuvia é a miúdo unha das protagonistas na celebración de San Francisco Blanco na localidade barquense de Outarelo, por iso na mañá do sábado 2 de febreiro, as olladas estaban postas no ceo cuberto. Mais neste caso a auga respectou a data e despois de varias misas (cada hora dende as dez), á unha da tarde comezaba a procesión coa imaxe e a reliquia (o cráneo) de San Francisco Blanco, percorrendo os arredores da capela.

Os tempos cambian e a romaría de San Francisco Blanco xa non é multitudinaria pero hai moita xente que se mantén fiel a cita, e xa de boa mañá se ía vendo ambiente nas adegas da localidade onde xantan, por exemplo os membros da Peña Os Garnachos, e no local social San Francisco onde unha pulpeira de Castro Caldelas serviu tapas de polbo á feira. Tampouco faltaron á cita os membros da Peña de San Francisco Blanco.

Coma sempre, trala procesión tiña lugar a misa maior oficiada polos sacerdotes de Viloira e O Barco, e presidida pola reliquia de San Francisco (mártir nado en Tameirón, A Gudiña e crucificado en Xapón), que os fieis tocaron e bicaron ao rematar a eucaristía, pasando pola imaxe do santo, avogado das dores de cabeza, as tradicionais roscas.

O apartado musical correu a cago dos gaiteiros Celtas Largos que deron un pasarrúas polo pobo acompañando ademais á procesión, e da discoteca móbil A Boa Festa.

Fotos: Carlos G. Hervella.

Máis información e fotos na edición en papel de febreiro do Periódico O Sil.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close