ConcellosGalerías de fotosÚltima hora

Pablo Castellano, con raíces valdeorresas, portada da prensa rosa nacional pola súa voda con María Pombo

O pasado 22 de xuño celebrábase unha das vodas máis influíntes da era “millenial” entre Pablo Castellano, sobriño do doutor barquense Gabriel Castellano López e a famosa blogger

Seguida en streaming, fanáticos do mundo da moda estiveron atentos ó enlace entre o xove de orixe valdeorresa Pablo Castellano e María Pombo, unha das máis aclamadas influencers españolas, que dedicaríanse o esperado “si quero” despois dunha emotiva pedida de man que tivo lugar en Langre (Cantabria), unha praia e acantilado con especial significado para a parella.

A parella contraía matrimonio recentemente despois de catro anos de relación da que puideron ser testigos os seus millóns de seguidores grazas ás influencias da xove no mundo da moda e as redes sociais. O noivo é sobriño do barquense Gabriel Castellano López, quen exerce como profesional na clínica dental que leva o seu nome en O Barco de Valdeorras.

 

Clínica Dental do Doutor Gabriel Castellano López.

Ocupando as portadas da maioría da prensa rosa a nivel estatal, a voda foi unha congregación de grandes referentes da moda. Dende Laura Ecanes e Risto Mejide, ata a gran Dulceida, acompañada da súa muller, reuníronse na Colexiata de Santa Cruz de Castañeda, no pequeno pobo de Socobio, en Cantabria, para acompañar ós recén estreados marido e muller no seu “si quero”.

María Pombo entraba belísima na igrexa acompañada do seu pai, mentres que o futuro marido facíao do brazo da súa nai, Patricia da Serna. Xa a noiva recibía á prensa e ós máis de trescentos invitados bromeando sobre a enorme familia de Pablo, que superaba a súa en número con creces.

 

Vivíuse un emotivo momento grazas ó irmán do noivo, quen durante a cerimonia, fixo referencia nunha lectura ó seu pai falecido fai dez anos, o irmán do valdeorrés Gabriel Castellano López. Este non foi o único momento de bágoas para os noivos, que xunto cos invitados celebraron unha velada chea de emocións e recordos compartidos cos seus familiares máis achegados.

A voda, como non podía ser doutra maneira para a blogger de tan só 25 anos, retransmitiuse en directo nas súas redes sociais, e foi vista por millóns de followers ata o esperado bico final á saída do templo, que entre vítores e aplausos invitados e seguidores daban a noraboa ós estreados marido e muller.

 

Texto: Carlota Pérez de Juan Burgos

 

 

Fotos: imaxes publicadas nas reportaxes das revistas Hola e Lecturas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close