DeportesÚltima hora

Pablo Diéguez está a unha etapa de completar a Titan Desert máis dura da historia

O ciclista valdeorrés compite co equipo Tres Lunas na categoría elite
Pablo Diéguez con Josep Betanlú, líder da carreira.

Cansado, emocionado, sorprendido e expectante. Son algunhas das sensacións que ten a estas alturas Pablo Diéguez Cerdeira, o valdeorrés que se embarcaba hai cinco días na aventura deportiva máis espectacular da súa vida: a Titan Desert.

Tal como el mesmo explica, nada máis chegar a Marrocos os seiscentos “titanes” inscritos nesta edición da carreira ciclista polo deserto eran recibidos por un forte vento, sufrindo xa esa noite cambios bruscos de temperatura. E xa o 29 de abril arrancaba a carreira coa primeira etapa polo Atlas na que se atopou cun problema. “Pequei de principiante deixando os xeles e sales para a hidratación, e aínda así acabei ben”, di Pablo, recoñecendo que está facendo uns tempos que non esperaba. “Foi unha etapa moi dura pero preciosa”, asegura.

A segunda foi a temida maratón, na que tivo outro percance. “Perdéronme o saco coa esterilla e tiven que durmir sobre unha alfombra no chan tapado con dúas toallas co cal ao día seguinte tiña as costas tocadas”. Pero lonxe de desistir, o corpo de Pablo vai cada día a máis e trala terceira etapa, tamén dura sobre un terreo pedregoso, chegaba a cuarta e con ela o deserto e a navegación. “Era algo novo para min e sorprendeume o ben que se me deu”.

Hoxe, 3 de maio disputábase a etapa raíña pasando por lugares espectaculares que remataba en 5 horas 20 minutos e nunha posición coa que nin sequera soñaba cando tomaba a decisión de participar na carreirapara completar unha etapa da súa vida e levar o nome da súa comarca, Valdeorras, polo mundo. “Mañá non sei o que vou sentir pero será espectacular se consigo a “pedra”, o trofeo. Volverei como un home novo e verei as cousas doutro xeito porque xa pasei polo que pasei no seu día e a nivel deportivo isto é moi duro pero precioso”.

Merzouga será o punto de partida da etapa final cun principio rápido por pistas algo arenosas que darán paso a un percorrido pedregoso e en pistas bastante deterioradas. E antes de chegar á meta, tocará atacar un pequeno cordón de dunas que porá a guinda á Titan Desert 2018.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close