Primeiro foi José Ángel Vázquez Barquero, concelleiro de Termalismo en Ourense, e, apenas uns días despois, Pachi Vázquez. O deputado autonómico anunciaba en rolda de prensa na mañá do 28 de setembro na sede socialista na cidade a súa intención de presentarse ao proceso de primarias que se celebrará en novembro co fin de optar encabezar á lista do PSdeG-PSOE en Ourense nas municipais de maio de 2015.
Explicaba que se trata dunha decisión “moi meditada” e dun exercicio de responsabilidade. Fixo tamén un chamamento á unidade e adiantou algunhas das liñas xerais dos seus obxectivos na cidade.
