ConcellosGalerías de fotosÚltima hora

A paella, prato estrela na cea popular de Fontei

A xuntanza gastronómica abría as festas de San Antonio, na noite do 10 de xuño

Preto de duascentas persoas dábanse cita na noite do venres 10 de xuño, no adro da igrexa de Nosa Señora de Fátima, para asistir á VIII edición da cea popular de Fontei coa que se abría a programación das cestas de San Antonio, na Rúa.

Por 15 euros que custaba a entrada, os asistentes puderon degustar un completo menú a base de embutidos ibéricos, empanada e o prato estrela: a paella. De postre, xelado e tarta caseira. Para beber, auga, viño e café. O catering foi servido por Mantesil, S.L. O apartado musical da noite correu por conta do dúo Bandoneón que actuou durante a verbena.

Hoxe, sábado 11 de xuño a orquestra Costa Norte será a encargada de amenizar o baile en sesión de tarde e verbena, momento no que se sortearán 300 euros entre a xente que mercara rifas vendidas pola comisión. O programa festivo inclúe ademais, un campionato de xadrez no bar O Retorno (16h.) e un partido de fútbol sala de solteiros contra casados no pavillón municipal (18h.).

Fotos: Carlos G. Hervella.

Artigos relacionados

Back to top button