Os coches clásicos seguen espertando paixóns alá por onde van, sen importar a marca nin o modelo. Especialmente se os propietarios osteñen en bo estado de conservación.
Un exemplo témolo no Seat 600 amarelo que ten David Rodríguez García, camareiro no Café Teatro Bajo 5. Un fermoso e delicadamente restaurado coche que chamou a atención de dous pilotos con orixes no Barco: o xove Leo Pérez, piloto de karting e Sebastián Hernández piloto francés que corre con Peugeot.
Ámbolos dous, xunto coas súas respectivas familias, coincidiron no establecemento hostaleiro barquense onde non dubidaron en facerse fotografías co coche. Instantáneas para o recordo.
Fotos: Carlos G. Hervella.
