ConcellosEn portadaGalerías de fotosÚltima hora

Papá Noel e o seu séquito percorren A Rúa en Noiteboa

A visita foi organizada pola Asociación Sociocultural San Cristóbal

 

Por segundo ano consecutivo, A Rúa recibía a visita de Papá Noel. Pasadas as cinco e media da tarde do 24 de decembro, Noiteboa, a comitiva saía da Estación de Autobuses comezando así un percorrido que a levaba por algúns dos espazos máis destacados da localidade repartindo caramelos. O campo de San Roque, a praza de Fontei, a rúa Doutor Vila e finalmente a praza do Concello.

En lugar de trineo, Papá Noel chegaba á Rúa nunha fermosa carroza, acompañado polos elfos e numerosos cativos vestidos de vermello para a ocasión. Unha iniciativa que parte da Asociación Sociocultural San Cristóbal, que despois de organizar a Cea de Nadal o primeiro de decembro e acender a súa propia iluminación na praza do Concello, pon o seu gran de area para animar as festas na Rúa, especialmente aos máis pequenos.

A próxima cita será o sábado 28 de decembro a partir da medianoite no adro da Igrexa de Fontei onde celebrarán as “Badaladas Cristobalitas”.

Fotos: Mónica G. Bellver.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close