OurenseÚltima hora

Parada de Sil acolle unha actividade de voluntariado para mozos

Terá lugar durante os días 30 e 31 de agosto e 1 de setembro, e está orientada a persoas de entre 18 e 30 anos

 

Pasarela nas proximidades da Fábrica da Luz. Foto: Carlos G. Hervella.

 

O centro de natureza A Fábrica da Luz, de Parada de Sil, acollerá unha actividade de voluntariado orientada a mozos de entre 18 e 30 anos. Está organizada pola Xunta de Galicia e o seu obxectivo é “sensibilizar, concienciar e fomentar a responsabilidade da mocidade na defensa e protección do patrimonio natural”.

A capacidade máxima é de 20 persoas, que contarán con todos os gastos pagados. Así, os interesados en participar deben contactar coa Fábrica da Luz, co 881999567 da Xunta de Galicia, ou co correo erasmus.xuventude@xunta.gal.

Dende o Concello explican que propoñerán a limpeza do entorno dos muíños de Conceliñas, e tres muíños de auga en ruínas que o Concello pretende recuperar e que están no entorno da ponte medieval de Conceliñas da que se está a facer o proxecto para a súa recuperación e posta en valor.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close