ConcellosÚltima hora

Parada de Sil celebra a “Pisa da castaña”

Con esta festa, que terá lugar o sábado 22 de novembro en Purdeus, Parada de Sil recrea un costume tradicional
Un dos momentos da pasada edición da Festa da Castaña en Purdeus (Parada de Sil).
Un dos momentos da pasada edición da Festa da Castaña en Purdeus (Parada de Sil).

En torno á castaña e os cogomelos están a xirar as actividades programadas ao longo deste mes de novembro dende o Concello de Parada de Sil. Primeiro foron as andainas da castaña (para maiores e nenos) e a Festa do San Martiño (Sacardebois) na primeira fin de semana de novembro.

Logo, o día 16 tiñan lugar as III Xornadas Micolóxicas na Fábrica da Luz e agora, o vindeiro 22 de novembro renderase de novo tributo á castaña cunha cita moi especial en Purdeus-Chandrexa. Trátase da terceira edición da Festa da Pisa da Castaña, na que se recreará este labor tradicional. Ademais o programa incluirá unha Feira de Produtos da zona de Parada de Sil e un xantar no que este froito de outono será o protagonista.

Ao mesmo tempo todas as fins de semana de novembro está habendo (previa reserva) unhas xornadas gastronómicas en catro establecementos deste municipio baixo o título “Desfruta da castaña na gastronomía de Parada de Sil” cun variado menú. Así en O Curtiñeiro pode degustarse lombo recheo de castaña e tarta de castañas, no Mesón Casa Pepe sérvese xabarín con castaña e pudin deste froito, na Fábrica da Luz poderá desfrutarse de sopa de castañas, costela de porco con repolo, chourizo e castañas, así como de brownie de chocolate con castañas; e na Panadería Rosa Sánchez poderá mercarse bica de castaña.

Este conxunto de actividades de novembro están a ser organizadas polo Concello de Parada de Sil en colaboración co Club de Montaña Ribeira Sacra, a Asociación Cultural Ouro do Sil, a Comisión de Festas de Sacardebois e a Asociación de Veciños Chandrexa de Sil.

Para máis información pode visitarse a web: www.paradadesil.es

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close