Publicidade
ConcellosÚltima hora

Parada de Sil, concello de interese turístico galego

A decisión tomábase no Consello da Xunta celebrado o 16 de abril
Imaxe da necrópole medieval de San Vítor de Barxacova (Parada de Sil)./ Foto: Carlos G. Hervella.
Imaxe da necrópole medieval de San Vítor de Barxacova (Parada de Sil)./ Foto: Carlos G. Hervella.

Parada de Sil vén de sumarse á listaxe de municipios turísticos galegos, que na actualidade son un total de 44, dez deles ourensáns. A súa incorporación decidíase no Consello da Xunta celebrado o día 16 de abril. O alcalde de Parada de Sil, Francisco Magide, amosaba a súa satisfacción e agradecemento por lograr esta distinción, froito dunha “estreita colaboración e diálogo fluído coa Axencia Galega de Turismo, traballo no que sempre primou a posta en valor da medio e dos recursos de Parada de Sil”.

Encravado na Ribeira Sacra ourensá, Parada de Sil, posúe multitude de monumentos singulares: o Mosteiro de Santa Cristina de Ribas de Sil, a necrópole medieval de San Vítor de Barxacova, a ponte medieval de Conceliños, petos de ánimas, cruceiros… Ademais de referentes naturais como o canón do Sil. “O concello conta co BIC de Sta. Cristina e unha parte en Rede Natura ademais de valores xeolóxicos que pronto serán postos en valor, arquitectónicos e etnográficos que transcenden os valores paisaxísticos”, resalta Magide.

Tamén lembra que á hora de presentar a documentación para solicitar a declaración de municipio turístico galego elaborouse un documento en torno a dous apartados, “un primeiro adicado a monumentos singulares e etnográficos; e un segundo relacionado coa paisaxe e actuacións na mesma que reforzan aspectos medio ambientais. No primeiro deles, en canto a monumentos singulares, sitúanse a necrópole de San Vítor de Barxacova, a ponte medieval de Conceliños, a calzada romana de Pradomao, petos de ánimas e cruceiros e o buque insignia O Mosteiro de Santa Cristina de Ribas de Sil. Nas edificacións con valor etnográfico cabe salientar as casas da neve de Cabeza de Meda, o foxo do lobo, os muíños de Entrambosríos, o fornosequeiro de Fondodevila, o Belén do Señor José na Capela de San Ramón, entre outros”.

No que respecta a elementos medioambientais, Magide resalta o Castiñeiro singular de Entrambosríos, o Souto de Santo André, os viñedos do Pombar, “todos eles con paneis interpretativos en galego, castelán e inglés. As actuacións municipais para darlle pulo e atractivo o medio natural céntranse nas rutas de sendeirismo, a Fábrica da Luz e a rede de miradoiros nomeadamente os Balcóns de Madrid ou Torgás, que están a ser remozados, así como unha rede aceptable de áreas recreativas nas que os visitantes poden comer o bocadillo ou votar un descanso antes de comezar unha nova a actividade”.

Para o rexidor de Parada de Sil esta declaración permitirá darlle un novo impulso “para atraer máis visitantes a un dos concellos con máis atractivos da Ribeira Sacra no camiño cara a súa declaración como Patrimonio da Humanidade”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close