OurenseÚltima hora

Parada de Sil instala unha caldeira de biomasa na Fábrica da Luz

"Trátase da consolidación da aposta clara do Concello polas enerxías limpas, que ven a resolver unha eiva que tiñamos neste complexo recreativo-cultural", di o seu alcalde

 

Na súa aposta polas enerxías limpas, o Concello de Parada de Sil vén de instalar unha caldeira de biomasa para dotar de calefacción e auga quente ao complexo da Fábrica da Luz en Barxacova. O proxecto de instalación desta caldeira de pellets contou cun orzamento total de 28.575,36 euros, dos cales a Administración autonómica achega a través do Feder 22.860 euros, que é o 80% do total, en tanto que o 20% restante apórtao o propio Concello de Parada, cun investimento de 5.715 euros.

Os traballos para esta infraestructura municipal están xa rematados, segundo o alcalde, Aquilino Domínguez, quen agradece o respaldo da Administración autonómica, que “demostra que a colaboración institucional procura mellores servizos para os cidadáns”.

Domínguez apunta tamén que “trátase dunha consolidación da aposta clara do Concello polas enerxías limpas, que ven a resolver unha eiva que tiñamos na Fábrica da Luz, que é un complexo recreativo-cultural que conta cunha importante actividade ao longo do ano”. Sen embargo, “ata o de agora, debido á sua ubicación e á difícil orografía do lugar, apartado dos núcleos habitados, tiña algúns condicionantes, como a falla de subministro eléctrico”, afirma o rexedor, quen avanza que “seguiremos traballando para incrementar a dotación material nese lugar, e neste senso a nova caldeira de biomasa é un bo expoñente”.

Esta iniciativa conta coa cofinanciación do Instituto Enerxético de Galicia para proxectos de enerxías renovables térmicas, así como da Unión Europea a través do Programa Operativo FEDER Galicia 2014-2020, destinado a conseguir unha economía máis limpa e sostible: “unha maneir ade facer Europa”, segundo reza no seu eslogan.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close