ConcellosÚltima hora

Parada de Sil promocionarase como destino en Barcelona

Mosteiro de Santa Cristina de Ribas de Sil (Parada de Sil)./ Foto: Carlos G. Hervella.

No vindeiro mes de maio, no marco da celebración da XXXIII Festa da asociación Galega Cova da Serpe en Barcelona, o Concello de Parada de Sil promocionará os seus recursos turísticos na capital catalana. Esta asociación e a Federación de asociación de entidades galegas en Barcelona, organizarán no parque de San Martí del Provençals a súa festa anual e veñen de “convidar a Parada de Sil a ser protagonista da mesma”, tal e como indican dende o Concello.

Durante os tres días, produtos galegos como é o caso da empanada, pulpo, viños da DO Ribeira Sacra e outros estarán ao dispor de todas as persoas presentes. Tamén terán lugar moitas actuacións de grupos musicais. Ademais Parada de Sil, cuxa alcaldesa Yolanda Jácome estará presente, convidará ós asistentes a degustar licor café e augardente de herbas despois da cea do venres día 11.

Ao mesmo tempo, daranse a coñecer en Barcelona mediante material promocional como cartelería os lugares emblemáticos deste municipio ourensán: o Mosteiro de Santa Cristina de Ribas de Sil, os Balcóns de Madrid, A pasarela do Mao, a necrópole de San Vítor de Barxacova… E proxectarase o documental titulado “ALMA”, que promociona A Ribeira Sacra e Parada de Sil, un traballo que acaba de ser seleccionado para o The Earth Day Film Festival, que se celebra en California.

A alcaldesa de Parada de Sil agradece o convite e agarda que este evento sirva para “aumentar a presenza de visitantes de Cataluña na Ribeira Sacra e neste concello”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close