EconomíaEconomíaGalerías de fotosÚltima hora

Parada de Sil recrea a tradición da pisa da castaña seca

Numerosas persoas dábanse cita en Purdeus-Chandrexa para ver e participar nesta antiga actividade, cun programa que incluía unha feira de produtos locais e un xantar popular

Do sequeiro á pisa. Os sacos de castañas secas circulaban continuamente na mañá do 17 de novembro en Purdeus-Chandrexa (Parada de Sil). A localidade celebraba a sétima edición da Festa da Pisa, recreando un antigo labor tradicional da zona. Nel os sacos de castaña son golpeados continuamento sobre unha mesa. Logo vén o abandoxado, no que se lles quita a segunda pel. A continuación deposítanse nun cesto para o seu consumo.

Nesta actividade, que se prolongaba ao longo da mañá ao son da música tradicional dos Trabazos de Castro Caldelas, podían participar veciños e visitantes. Ademais entre as 11h. e as 16h. podía visitarse a VII Feira de Produtos Locais, cunha gran diversidade de postos de viños, licores, marmeladas, queixo, pan, bicas, artesanía…

Arredor das dúas e media comezaba o xantar popular da castaña, cun menú (cun prezo de 15 euros/ persoa) a base de fabada, tenreira guisada con castañas, sobremesas variadas, pan, bebida e café. Nel reuníase un cento de persoas na carpa instalada nas proximidades do recinto feiral.

Fotos: Carlos G. Hervella, agás as cinco primeiras que son cedidas polo Concello de Parada de Sil.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close