A sección oficial do 24 OUFF xa ten ganadores. O fallo do seu xurado (composto por Laura Gárdos, presidenta, Pilar Revuelta, Miguel Barros, Nieve de Medina e Isabel Blanco) facíase público ás 12h. deste sábado 5 de outubro, co seguinte palmarés:
CALPURNIA Á MELLOR PELÍCULA (18.000€): “Parásitos”, Bong Joon-Ho.
PREMIO CARLOS VELO Á MELLOR DIRECCIÓN (4.000€): Alejandro Landes, por “Monos”.
PREMIO ESPECIAL DO XURADO (2.000€): “O que arde” pola “súa capacidade lírica para denunciar un mundo en extinción”.
PREMIO AO MELLOR GUIÓN (2.000€): Bong Joon-Ho por “Parásitos”.
PREMIO Á MELLOR INTERPRETACIÓN (2.000€): Julianne Nicholson por “Monos”.
MENCIÓN ESPECIAL DO XURADO para “Chicuarotes” por “retratar unha dolorosa realidade mexicana servíndose de recursos tan diversos como a alegoría, o realismo sucio, o humor… convertíndoo paradóxicamente nun emocionante conto macabro”
Por outra banda, a Comisión Organizadora do Ourense Film Festival concede nesta edición os premios “Galicia”, “Mellor banda sonora” e “Á mellor cineasta”. “Os galardóns teñen carácter transversal, valorando para a concesión dos mesmos todas as obras presentadas no OUFF, segundo a organización.
Estas distincións eran as seguintes:
Premio Galicia (5.000€): “O que arde, Oliver Laxe”
“Máis alá dos seus valores plásticos e formais, <O que arde> destaca polo seu compromiso coa identidade e a lingua galega, a súa reivindicación da terra e os valores da mesma. Oliver Laxe foi quen de facer da súa película un proxecto universal que está sendo recoñecido en todo o mundo, espallando a imaxe e a cultura galega coa súa película”, segundo a organización
Premio Mellor Banda Sonora: Gaiza Urresti por “Aute Retrato”
A comisión organizadora do festival consiera que “Gaizka Urresti conseguiu con “Aute Retrato” plasmar con singular mestría o panorama musical e sentimental de varias xeracións, tomando como base para iso a figura dun artista total, Luis Eduardo Aute. Polo seu traballo, a comisión organizadora do OUFF acordou conceder Gaizka Urresti o premio á mellor banda sonora”.
Premio Mellor Cineasta: Marlén Viñayo por “Cachada”
O galardón que outorga a Comisión Organizadora do OUFF en colaboración con CIMA, Asociación de mujeres cineastas y de medios audiovisuales, á mellor cineasta con obra neste festival recaeu en Marlén Viñayo, “por conseguir plasmar e trasladar ao espectador a realidade dun grupo de mulleres do Salvador e a súa experiencia nun obradoiro de teatro. A forza das cinco vendedoras ambulantes de “Cachada” e o traballo da súa directora son recoñecidas co premio que concede o OUFF en colaboración con CIMA”.
PREMIO DO PÚBLICO para “La odisea de los giles”
“O público é protagonista e soberano no Ourense Film Festival e a súa decisión inapelable. E os espectadores do OUFF 2019 concederon o Premio do Público a “La odisea de los giles”, de Sebastián Borensztein, que conseguiu un 4,45 sobre 5 na valoración dos espectadores que acudiron ás sesión do festival”, segundo a organización.
OUFF EN CURTO E VIDEOCLIPS
OUFF EN CURTO
XURADO PROFESIONAL: Sabela Hermida (presidenta), Matías Tarrío e Marta Porto
● 1º PREMIO (1000€): “Soy una tumba”, de Khris Cembe (11 min.)
● 2º PREMIO (500€): “De repente, la noche”, de Cristina Bodelón e Ignacio de Vicente (25 min.)
● MENCIÓN ESPECIAL: “En la boca de la mina”, de Brandán Cerviño (22 min.)
PREMIO AISGE Á MELLOR INTERPRETACIÓN FEMININA: Marta Nieto por “De repente la noche”.
PREMIO AISGE Á MELLOR INTERPRETACIÓN MASCULINA: Jaime Elías por “O que medra por dentro”.
PREMIO DO PÚBLICO (300€): “Subway”, de Carlos García de Dios (5 min.)
VIDEOCLIPS
XURADO “MILLENIAL”: Elisa Lima Conde, Saúl Vidal Salgado, Xabier Fernández Jardón, Daphne Calviño Parra e David Sobrino Gonçalves.
PREMIO (300€): “De bruma e salitre”, do grupo Mileth, e dirixido por Xaime Miranda (7 min.)
FAS MUVIS 2019
CATEGORÍA XERAL:
1º PREMIO (600€): Desencontro. Beatriz Fernández (directora) e Clara Miñán (produtora)
2º PREMIO (200€): Ourense Vive. Beatriz Martínez (directora) e Ainhoa Martínez (produtora)
CATEGORÍA ESCOLA:
PREMIO ÚNICO (400€): A Pinga. Lara Rodríguez (directora) e Bárbara Rodríguez (produtora)
