PolíticaÚltima hora

Parlamentarios autonómicos e provinciais do PSdeG-PSOE visitan o pobo vilamartinés de San Vicente

Piden o arranxo da estrada que comunica esta localidade con Vilamartín
Foto: Carlos G. Hervella
Foto: Carlos G. Hervella

“Isto non é un debate de política, é un debate de xustiza social. Hoxe para entrar e saír de San Vicente hai que xogarse a vida”. O deputado autonómico ourensán do PSdeG-PSOE, Pachi Vázquez, realizaba estas declaracións no Barco o 7 de novembro, tras visitar o pobo de San Vicente (Vilamartín de Valdeorras). Facíao acompañado polo edil socialista en Vilamartín Enrique Álvarez, pola parlamentaria autonómica Carmen Acuña e polo deputado provincial Nacho Gómez. Lembraba que este non é un problema de hoxe, senón que se leva arrastrando dende hai 15 anos e anunciaba que dende o grupo socialista no Parlamento se van presentar iniciativas para dar a coñecer a situación deste vial dirixidas, principalmente, á Consellería de Educación e tamén á de Presidencia, polos problemas de seguridade que existen.

Os socialistas tamén presentarán iniciativas para que a solución se solvente na Deputación de Ourense, “que evidentemente é a responsable e o único que fixo foi poñer a sinalización de prohibido o paso”, en palabras de Nacho Gómez, quen convidou ao presiente da Deputación, Manuel Baltar, a que “saia do despacho a coñecer os veciños da provincia”.

Foto: Carlos G. Hervella

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close