Baixo o lema “Guerreiras: a violencia non está en corentena” e adicado ás persoas que sufriron o confinamento cos seus maltratadores, celebrarase este ano de xeito virtual o Festival Internacional de Poesía e Arte “Grito de Mujer”.
No caso da comarca de Valdeorras e as provincias de Lugo e León, a súa coordinadora Edith Fernández subirá un vídeo á canle de youtube El Rincon de Edith este sábado 27 de marzo ás 20 horas. Cunha duración de 86 minutos, contará con participantes de Lugo, Ponferrada, Xaén, León, Valdeorras, Monforte, México, Perú e California, entre outros.
O vídeo contará con poesía, música fotografía e conto e “asinarase para persoas xordas”, tal como puntualiza Edith, asegurando que se teñen realizado diferentes actos durante o mes de marzo en todo o mundo, incluído un Festival de Cine. “Desde Ponferrada voume asegurar, que as comunidades de Galicia e Castela e León teñan representación nos 34 países que participan en 2021”, di a coordinadora do festival nestas zonas.
