Paco Mayorgas logra capturar a intensidade e forza das esceas da Paixón de Cristo. Este artesán, escultor e maquetista (nacido en Córdoba, pero residente dende hai moitos anos en Ourense) propón un achegamento diferente aos pasos da Semana Santa a través dunha mostra que poderá visitarse ata o vindeiro 20 de abril na Sala dos Arcos (antiga biblioteca) de Celanova.
A exposición está formada por 22 pasos a escala diminuta creados a partir de materiais reciclados.
Fotos: cedidas dende o Departamento de Cultura do Concello de Celanova
