Galerías de fotosPolíticaÚltima hora

Patricia Domínguez Barja, candidata socialista á alcaldía de Trives

Presentábase nun acto celebrado na tarde do 4 de abril na vila coa asistencia dos candidatos ao Congreso e ao Senado por Ourense e do secretario provincial socialista, Rafael Rodríguez

A lista ás vindeiras eleccións municipais en Trives estará encabezada por Patricia Domínguez Barja. A candidata dábase a coñecer nun acto público celebrado na tarde do 4 de abril en Trives, ante a presenza dos candidatos e candidatas a Congreso e Senado, executiva local, provincial, o secretario provincial, Rafael Rodríguez, así como de militantes de toda a comarca trivesa.

Domínguez Barja aseguraba que decidiu dar este paso e presentarse por vez primeira á fronte dunha lista “movida pola petición dos meus vecilos e compañeiros e, sobre todo, para darlle un volco importante ao pobo, para intentar que veña máis poboación e que a que hai se asente aquí, que haxa un futuro mellor en Trives”.

Tamén resaltaba a importancia de que haxa unidade en Trives e na súa comarca e adiantaba dende o partido socialista “imos propoñer unha serie de medidas innovadoras baseadas na identidade desta zona para intentar difundir os nosos sinais de identidade”.

A cabeza de lista socialista tamén fala da necesidade de crear emprego e calidade na zona e resalta que “cremos no pequeno comercio, na agricultura, na gandeiría e tamén na posta en valor dos recursos naturais que aínda temos sen explotar e na do noso patrimonio cultural, que é enorme. Temos que darlle proxeción nacional e internacional e hai moitos fondos europeos dos que podemos botar man”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close