CulturaCulturaEntroido 2021Última hora

Pedro Basalo aborda os matices do “Entrudio” vianés nunha xornada online

Na súa ponencia poñía en valor as particularidades desta tradición no municipio de Viana do Bolo

Publicidade
O investigador vianés Pedro Basalo, nun acto público no 2020/ Foto: Carlos G. Hervella.

 

“O entroido galego: entre a tradiçao e a modernidade” é o título dunha xornada online na que participaba como ponente o pasado 26 de febreiro o investigador vianés Pedro Basalo. No seu decurso presentaba a ponencia “A importancia dos matices no Entrudio de Viana do Bolo”.

“O contido da miña charla”, explica Basalo, “dividiuse en dúas partes. A primeira (máis teórica) comezou cunha contextualización e unha exposición de conceptos destinada a valorizar o papel das particularidades dentro do Entrudio do concello de Viana. E a segunda parte consagrouse a ilustrar algunhas desas singularidades a través dos exemplos concretos do fulión e das tres figuras de boteiro que se conservan actualmente no municipio de Viana: a de Viana do Bolo (presente tamén nalgunhas aldeas), a de Fornelos de Filloás e a de Vilarmeao”.

 

Presentación da ponencia de Pedro Basalo durante a xornada./ Foto cedida.

 

Este evento estaba promovido polo PROEG (Programa de Estudos Galegos) da Universidade do Estado do Rio de Janeiro e forma parte dun ciclo de palestras organizadas polo Programa de Estudos Galegos da Universidade do Estado do Rio de Janeiro e do Centro de Estudos Galegos da Universidade Nova de Lisboa.

Ademais da ponencia de Pedro Basalo, o programa incluía tamén a intervención da antropóloga Paula Godinho, que abordou a evolución da dinámica do Entroido de Vilariño de Conso e do Entroido galego ao longo do tempo por medio de temas como a patrimonialización, a adaptación da festa aos novos tempos ou o complicado equilibrio entre patrimonio e rendemento económico.

A charla foi gravada e está dispoñible en YouTube, na canle do PROEG na seguinte ligazón
https://www.youtube.com/watch?v=1ZOR-uNINak&fbclid=IwAR1egYdN6CsvnBHmKy6l3_Lnu4RkwgUCKpbhtxhDs7N2DpQmOYUllweEXBw

Artigos relacionados

Back to top button