Pedro Basalo analiza a tradición do Entroido vianés en Cantabria

Era o único ponente galego na xornada “Mascaradas rurais de inverno no norte de España. Pasado, presente e futuro” en Santillana do Mar

O vianés Pedro Basalo, durante a súa intervención na mesa redonda./ Foto: Pindongas.com

Do folión, dos Boteiros e doutras moitas manifestacións e singularidades do Entroido de Viana do Bolo falaba o 15 de xuño en Santillana do Mar (Cantabria) o investigador vianés Pedro Basalo Bembibre. Abordaba a tradición e tamén a situación actual desta festa no marco da mesa redonda “Mascaradas rurais de inverno no norte de España. Pasado, presente e futuro”.

Basalo era o único galego dos sete ponentes desta xornada, na que tamén estaban Pablo Canal da Asociación pola Recuperación dos Sidros e das Comedias El Cencerru de Valdesoto (Asturias), Nadia Leonato da Asociaciónd e Guirrios e Madamas de Llamas de la Ribera (León), María Bulnes (Asociación Socio-Cultural Pejanda (Polaciones, Cantabria), Leyre Blanco (Asociación Antruido na Paré de Piasca, Cabezón de Liébana, Cantabria), Luis Guillerna (Asociación de Amigos dos Carabeos (Valdeprado del Río) e César Rodríguez (Asociación Cultural Amigos da Vijanera de Silió, Cantabria).

No decurso da mesa redonda analizábase o momento actual destas mascaradas e cuestións como o papel dos axentes internos (organización, difusión, etc.) e externos (administracións e público) abordando temas como a protección/desprotección, o financiamento, o turismo… E outro dos eixos debatidos era o do futuro destas tradicións tendo en conta o relevo xeracional.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies