A campaña electoral para as municipais do 26 de maio comezaba deste xeito para as catro candidaturas que se presentan aos comicios neste concello
Ás 00h. deste 10 de maio arrancaba a campaña electoral para as vindeiras eleccións municipais e europeas do 26 de maio no Barco. Malia ao tempo, os membros das catro candidaturas que se presentan a estes comicios neste concello iniciaban a tradicional pegada de carteis.
Os máis puntuais eran os representantes do PSdeG-PSOE e do BNG que comezaban a pegar os seus carteis na praza do Concello. A partir de aí distribuíanse por diferentes puntos da vila. Pouco despois, tamén dende ese mesmo lugar, empezaba a pegada de carteis os representantes de Riada Cidadá.
Pola súa banda, o PP realizaba esa primeira pegada no Malecón, na zona situada sobre a desembocadura do río Cigüeño.
Fotos: A.R.
