De diferentes tamaños, formas e especies. Dende primeiros de setembro o muro da praia fluvial do Malecón do Barco na chamada zona do trampolín está poboado por unha singular fauna acuática, froito da creatividade e bo facer artístico de barquenses e visitantes, dirixidos polo artista valdeorrés Gerardo Rodríguez Ramos “Chere” e por un neno de cada unha das catro provincias galegas.
Este mosaico que reproduce un leito acuático con diversos peixes e algas xurdía de forma colectiva na fin de semana do 8 e 9 de setembro. Dende entón son moitas as persoas de todas as idades que teñen ido a contemplar o resultado do seu propio traballo, nalgúns casos, e o dos demais, noutros.
Fotos: Ángeles Rodríguez.
