Publicidade
DeportesMontañismoÚltima hora

Percorrendo Trevinca, o teito galego, á luz da lúa chea

Dende Vilanova (A Veiga) partirá ás 00h. do 5 de xullo a “XI Noite entre Lobos e Estrelas”, organizada polo Club Montañas de Trevinca

Participantes na pasada edición da “Noite entre Lobos e Estrelas” en Trevinca./ Foto: Carlos G. Hervella.

 

Na noite do do 4 ao 5 de xullo terá lugar unha nova edición da marcha de alta montaña “XI Noite entre Lobos e Estrelas” por Trevinca. Desta volta a cita, organizada polo Club de Montañismo Montañas de Trevinca,  propón un traxecto de 24 km, con fortes desniveis de ascenso e descenso, e cunhas 11 horas de duración.

O programa da actividade abrirase ás 00h. do 5 de xullo cunha xuntanza dos participantes en Vilanova (A Veiga), punto de partida, a unha altura de 1.127 m. Dez minutos despois comezará a marcha, saíndo pola ruta homologada PRG-198 en dirección ao Pico Maluro e Camporraso (1.847 m), descendendo despois por Castro Veloso ata o pontón de San Xil, e continuando cara O Teixadal de Casaio e, finalmente, cara A Cabrita (Carballeda de Valdeorras), onde se prevé concluír a marcha arredor das 10h. do 5 de xullo.

Unha vintena de persoas participarán neste singular percorrido, acompañados por cinco membros da organización. Unha das novidades que marcará a “Noite entre Lobos e Estrelas” deste ano será que nela teranse en conta as disposicións vixentes polo Ministerio de Sanidade con relación ao Covid-19. E, ademais do equipo de montaña apropiado segundo a meteoroloxía, os asistentes deberán levar obrigatoriamente botas de montaña de caña alta.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close