Publicidade
PolíticaÚltima hora

Percorrido de candidatos do PP por empresas valdeorresas do sector primario

Na mañá deste 3 de xullo os membros da candidatura do PP pola provincia de Ourense ás eleccións do 12X, José González (número 3) e Moisés Blanco (número 12) visitaban, acompañados por concelleiros populares da comarca, unha serie de empresas vinculadas ao sector agrario.

Así, comezaban o seu percorrido en Castañas Castanval, no polígono industrial de Vilamartín de Valdeorras, logo desprazábanse ata Viveros José López, no parque empresarial da Raña (O Barco), e finalmente, ían ata ás oficinas de Xagoaza Inversiones, tamén no municipio barquense.

 

 

 

“Levo unha mañá de campaña electoral moi agradable visitando empresas moi vinculadas ao sector primario en Valdeorras, e ademais ao que é tradicional é realmente tense que recuperar nesta zona, e acabamos agora en Cedie que é un compendio de todo iso porque é recuperación dunha planta industrial, pero ademais cun grupo que aposta por investir en cuestións relacionadas co sector primario e moi ligadas a Valdeorras como uva, resina e mesmo lousa, polo tanto encaixa perfectamente co que nós defendemos”, indicaba José González.

Ademais incidía en que o PP cre “firmemente no rural, nesa recuperación que se ten que facer nas partes do territorio que, por diferentes motivos, custou máis sacalas adiante, e agora temos que apostar con figuras tamén novidosas como as que van a vir a través da Lei de recuperación e posta en valor da terra agraria de Galicia”.

 

 

Neste senso, o candidato popular indicaba que, tras as conversas mantida cos empresarios nesta visita, “vemos a posibilidade de recuperar moita terra dun val tan excepcional como é o de Valdeorras. E aquí non temos que inventar a pólvora, imos seguir poñendo uva pero tamén castaña e apoiando proxectos tan interesantes como pode ser aquí o da resina, que está en marcha”.

Fotos: Carlos G. Hervella.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close