EntrevistasÚltima hora

“A pesar da prealerta de sequía, o abastecemento está garantido ás poboacións”

Fernando Marín. // Foto: Carlos G. Hervella.

A provincia de Ourense está en prealerta por sequía, as precipitacións irregulares fixeron que a Confederación Hidrográfica do Miño-Sil puxese en marcha o protocolo de sequías. No acto de celebración do Internacional da Auga, no Centro Cultural Marcos Valcárcel de Ourense, o presidente da Confederación Hidrográfica, Francisco Marín, salientou a importancia de coidar os recursos hídricos da provincia e de dalos a coñecer. Asemade, neste día quixo transmitir tres mensaxes: A auga é de todos, salientar a trata de augas residuais e que a xente se concience e que non tire desfeitos como chicles ou aceites e incentivar á reducción do consumo para que esta prealerta poida ser máis levadeira.

-Como cualifica o presidente o ano hidrolóxico 2015-2016? 

O ano hidrolóxico foi un ano no que choveu máis da media, concretamente un 20%. Pero o problema é que foron precipitacións moi concentradas en cinco meses. Deste xeito este ano estamos nun 50% por debaixo da media en precipitacións. Esperemos que choiva na primavera, e poidamos levantar esas cifras. Pero o que si temos que acostumarnos é que o cambio climático vai convivir cada vez máis con estes fenómenos estranos. Períodos de seca de escasa choiva, de moitos meses; e tamén períodos de intensas precipitacións e moi concentrados. Isto veuse, por exemplo, no Mediterráneo estes últimos días. Ao meu modo de ver, e segundo din os expertos, temos que acostumarnos a este tipo de fenómenos meteorolóxicos extremos.

Estamos en prealerta por sequía en Ourense. Estas alertas por chuvia e neve destes días farán que a cousa vaia un pouco mellor?

Si, indudablemente todos esperamos, como di o refrán, o auga de maio. E o mellor xeito de chover é precisamente así, con neve. Porque as intensas precipitacións en pouco espazo de tempo producen danos. Dende o punto de vista hidrolóxico o que nos gusta é que choiva, pero non con intensidade, senón que vaia sucesiva no tempo.

– Esta prealerta por sequía traerá consigo restriccións de auga aos ourensáns? 

Non, a prealerta é unha situación que está recollido no protocolo da sequía, pero o abastecemento de poboacións, que toman augas de ríos regulares ou encoros está totalmente garantida.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close