ConcellosO BarcoÚltima horaVídeos

Pesca sen morte no río Sil ao seu paso polo Barco

Membros do club de pesca deportiva Spinning Valdeorras celebraban hoxe a primeira quedada da tempada

 

“Desfrutar do río e do deporte” fomentando unha pesca responsable; aprender aos máis pequenos un deporte san e respectuoso co entorno; os máis veteranos aprender uns de outros; e seguir crecendo como pescadores. Son os obxectivos cos que a finais de febreiro de 2020 se presentaba no Barco o club de pesca deportiva Spinning Valdeorras, con Daniel Prada, un gran amante e defensor da pesca sen morte, como presidente.

Un ano despois malia as dificultades coas que se van atopando os pescadores (ríos sucios, caudais variables,…) os membros deste club seguen demostrando que para eles o máis importante da pesca é desfrutar do río e da loita co peixe, especialmente a troita que trala captura é sempre devolta ao río, tal como pode verse nos seguintes vídeos, gravados hai unha semana no tramo sen morte do río Sil ao seu paso polo concello do Barco de Valdeorras.

 

 

Na mañá deste domingo 25 de abril, algúns dos socios participaban na primeira quedada da tempada no Barco, repartidos no tramo entre a ponte da Raña e o regato de Candís e, malia que o día era propicio para a pesca e tamén o río baixaba ben, a mañá non foi moi fructífera en canto a capturas. Á parte dos pescadores que se reuniron no Barco, outros tres membros participaban de forma telemática: dous de Carballeda e un de Ponferrada ao que si se lle du ben a mañá. “Un deles está adestrando para o provincial de Salmónidos Lance e os outros dous para o de Salmónidos Mosca”, puntualiza Daniel Prada, o protagonista do primeiro vídeo soltando unha troita.

Fotos: Mónica G. Bellver
Vídeos cedidos

 

 

 

 

 

Artigos relacionados

Back to top button