O comité clínico que asesora á Xunta de Galicia na xestión da pandemia provocada polo Covid-19, vén de acordar manter o nivel máximo de restricións nos concellos do Grove, A Pobra do Caramiñal, Carballeda de Valdeorras e Cualedro.
Así mesmo, o comité tamén determinou o nivel alto de restricións en varios concellos, tres deles na comarca de Valdeorras: O Barco e Rubiá que xa estaban, aos que se sumará tamén Petín. Tamén estarán nese nivel os concellos de Marín, Meaño, Ribadumia, Vilanova de Arousa, Padrenda, Cortegada, Lobeira, Míños, Meira, Ribeira e Cambre.
Ademais, as medidas do nivel medio rexerán nos concellos de Trabada, Barreiros, Lobios, Cartelle, Cambados, Catoira, Vilagarcía de Arousa, A Illa, Meis, Sanxenxo, Cangas, Gondomar, Ponteareas, Vigo, Boiro, Rianxo, Carral, Muxía, As Pontes de García Rodríguez, e Ortigueira.
No resto dos concellos galegos, estarán vixentes as restricións fixadas no nivel medio baixo.
Todas estas medidas entrarán en vigor ás 00:00 horas do vindeiro venres, 23 de abril.