Este ano as festas patronais de Petín, Santiago Apóstolo e Santa Ana, tampouco serán como adoitaban, sen orquestras nin grandes aglomeracións, pero si haberá misas, charangas e actividades especialmente pensadas para os máis pequenos.
A primeira chega da man do Mago Antón que presenta o seu espectáculo de ilusionismo “A volta ao mundo en 313 concelllos”, nun autobús instalado preto da praza Doutor Quiroga, con tres sesións. A primeira tiña lugar ás 13 horas deste venres 23 de xullo á que acudían numerosos cativos da vila así como a alcaldesa Raquel Bautista. Xa de tarde haberá outras tres sesións: ás 19, ás 20 e ás 21 horas.
Fotos cedidas.