Esta fin de semana Ourense converterase na capital do PPdeG coa celebración do XVI Congreso Autonómico do partido. E o pistoletazo de saída celebrouse esta tarde, 6 de maio, cun encontro entre o candidato á presidencia do partido en Galicia, Alberto Núñez Feijóo, e as Novas Xeracións (NNXX). Tamén asistiu o presidente do PP nacional e actual presidente do goberno en funcións, Mariano Rajoy, quen defendeu que o seu será un proxecto de “política seria e responsable tras catro meses perdidos”.
Nesta liña, Feijóo aproveitou para pedir o esforzo do partido para gañar as eleccións xerais e abordar o reto dunha terceira maioría consecutiva en Galicia. Asimesmo, recibiu de Rajoy o aval impreso e firmado de cara ao Congreso desta fin de semana
Os actos, que terán lugar no recinto feiral de Expourense, comezarán na tarde do sábado 7 de maio e prolongaranse ata o mediodía do domingo 8, que se clausurará tras a proclamación do candidato.