Galerías de fotosOurenseÚltima hora

O Plan Activamos-Transforma Ourense duplica a súa liña de crédito a PEMES e autónomos

Esta iniciativa, activa dende o 2014, renovouse hoxe coa sinatura do convenio entre Abanca e a Deputación e ofrece financiamento tamén a familias e entidades locais

A Deputación e Abanca renovaron hoxe, 20 de febreiro, o seu programa financeiro conxunto Activamos-Transforma Ourense “para dotar de investimento ao tecido produtivo de Ourense”, asegurou o director territorial da entidade bancaria en Ourense, Rubén Saavedra. A sinatura foi levada a cabo polo presidente da Deputación, Manuel Baltar e o o director de Banca Institucional de Abanca, Santiago Novoa.

O acto de sinatura do convenio celebrouse no Centro Cultural “Marcos Valcárcel” coa presenza de diferentes autoridades como o alcalde de Ourense, Jesús Vázquez; o presidente da Confederación Hidrográfica Miño-Sil, Francisco Marín ou deputados provinciais dos diferentes grupos, entre outros.

Rubén Saavedra explicou que este plan “proporciona unha liña de crédito en condicións moi vantaxosas” a entidades locais, familias, PEMES e emprendedores.

Cono novidades para este ano, expuxo Saavedra, son o incremento dos límites nas liñas de crédito para PEMES e autónomos, que se duplica ata os 200.000 euros, e a creación dunha nova modalidade para familias que queiran rehabilitar vivendas en contornas rurais.

O director territorial recalcou que esta iniciativa está consolidada dende a súa creación en 2014 e que pecha esta terceira edición “como preza relevante na inxección de crédito” na provincia. Tamén puxo en manifesto que este plan formalizou dende a súa creación un total de 2.627 operacións cun importe global de 77,7 millóns de euros.

En total, cifrou, “nove de cada dez euros concedidos” foron destinados a PEMES e autónomos, “o que supuxeron un total de 2.503 formalizacións por un importe global de 72 millóns”, asegurou. Desta cantidade, o plan concedeu 35 millóns a atender “ás necesidades de circulante de PEMES e autónomos”, en concreto 29 millóns para acometer novas inversións, 6,3 millóns ao emprendemento, 0,9 millóns á creación de emprego e 0,4 á mellora enerxética.

No eido das corporacións locais, foron un total de 33 operacións “por un importe de 4,7 millóns de euros”, asegurou. Finalmente, o plan Activamos-Transforma Ourense permitiu a inxección de preto dun millón de euros en crédito na provincia, principalmente para financiar “pequenas obras de mellora enerxética no fogar e actividades de formación”, explicou Saavedra, que dixo que o importe medio destes préstamos foi case de 11.000 euros.

Pola súa banda, Santiago Novoa, director de Banca Institucional de Abanca, sinalou que este convenio vai “permitir seguir desenvolvendo o tecido da provincia”. Novoa manifestou que este plan é “un plan vivo, social, integrador, dinámico, transparente adaptado á realidade da provincia e á sociedade ourensá”.

Finalmente, o presidente da deputación, Manuel Baltar, reafirmou as declaracións de Santiago Novoa e manifestou que este convenio é “un compromiso coa renovación e unha alianza estratéxica” e reiterou que “sabiamos que isto era unha aposta permanente, estable e de futuro”.

Fotos e texto: Carlos Asensio.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close