Unha semana despois da gran manifestación que percorría o día 30 de setembro as rúas do Barco en defensa da súa área sanitaria, a Plataforma Sanitaria de Valdeorras asistía a outra mobilización, desta volta en Monforte de Lemos (Lugo). Ata alí acudían integrantes da plataforma valdeorresa e tamén membros da Xunta de Persoal do Hospital Comarcal Valdeorras para apoiar esta marcha que defende o mantemento da área sanitaria de Monforte, outra das que desaparecerían (conxuntamente coas do Barco, A Mariña e O Salnés) coa reforma da Lei de Saúde de Galicia.
Fotos cedidas.
