O Auditorio Julio Vázquez da Pobra de Trives acollía a partires das oito da tarde do 10 de marzo a celebración do Día Mundial da Muller (cuxa data é o 8 de marzo). Desenvolvíase un completo e variado programa presentado pola concelleira trivesa de Cultura, Igualdade e Muller, Isabel González.
Os actos incluían a proxección dun videoclip, a lectura de poemas, homenaxes e ata unha mini obra de teatro protagonizada por mulleres trivesas. Non faltaban tampouco os agasallos para todos os presentes. E, como broche, servíase unha chocolatada.
Fotos cedidas.
