CulturaCulturaGalerías de fotosÚltima hora

Pola calzada romana da Via XVIII

40 participantes na II Andaina pola Via Nova, que cubría o treito entre Riocaldo e Sandiás

A Andaina pola Via Nova Romana cubría a súa segunda etapa este verán, xa en terras ourensás, os días 13 e 14 de setembro no sector Riocaldo (mansión de Aquis Ogeresibus)-Sandiás (Geminas), é dicir, entre as millas XXXIX-LXIX (dende Braga). Nela participaban unhas 40 persoas españolas (con presenza valdeorresa) e portuguesas que partían na mañá do día 13 de Baños de Riocaldo co fin de percorrer XIV millas (18 km) ata Portoquintela (Aquis Querquennis). Na segunda xornada o camiño seguía ata acadar Sandiás, o que supoñía un treito de XVI millas (28 km).

No decurso da ruta íanse intercalando paradas explicativas coa finalidade de interpretar os restos arqueolóxicos e o patrimonio que rodea a este itinerario romano. Os camiñantes tamén foron recibidos por diferentes autoridades locais, entre elas a alcaldesa de Sandiás, que lles amosou a igrexa parroquial, que é manuelina, e o centro de interpretación da lagoa.

“Resultou moi ben e o tempo tamén acompañou. O primeiro día foi espléndido, e no segundo, aínda que nos choveu, xa tiñamos andado, así que non nos incomodou. A idea é continuar coa andaina o vindeiro ano, sempre e cando, os tramos da vía estean limpos. A nosa intención é completar o percorrido da vía ata Astorga”, explica o profesor Antonio Rodríguez Colmenero, un dos promotores desta andaina, a través da Fundación Aquae Querquennae Via Nova e en colaboración cos concellos polos que pasa a calzada.

Texto: Ángeles Rodríguez Fotos: Juan Manuel Sobrado/ Pilar Alonso

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close