ConcellosÚltima hora

Ponse en marcha a 35º MIT de Ribadavia

O seu acto inaugural tiña lugar na tarde de onte, venres 19 de xullo, ás 20:00 horas na Igrexa da Madalena

A Igrexa da Madalena acollía na tarde de onte, 19 de xullo, a inauguración da trixésimo quinta edición da Mostra Internacional de Teatro (MIT) de Ribadavia. Tiña lugar ás 20:00 horas e o seu director Roberto Pascual, foi o encargado do discurso de apertura. “Hai xusto xa 10 anos comezaba unha aventura. Un reto, un compromiso, pero tamén unha aventura. E como toda aventura, houbo moitas emocións, moitos tipos de personaxes, diversos e ricos episodios. Unha aventura que non remata e á que lle quedarán aínda moitas sorpresas que o público está desexando ver e coñecer, ás veces facendo kilómetros e en moitos casos ás portas case do seu fogar”, comezaba Pascual.

 

Durante a inauguración.

 

Nesta inauguración tamén houbo presenza institucional, xa que acudiron o presidente da Xunta, Alberto Núñez Feijóo; o presidente da Deputación de Ourense, Manuel Baltar;  o conselleiro de Cultura e Turismo, Román Rodríguez e por suposto, o alcalde de Ribadavia, César Fernández.

O presidente do goberno galego, Alberto Núñez Feijóo, subliñou que a MIT  “é un excelente vehículo de promoción do teatro galego contemporáneo”, mentres que Baltar afirmou que “o teatro é xesto, escenografía, son, guion e discurso, unha arte á altura desta vila e desta provincia de Ourense.”

Pola súa banda, o alcalde de Ribadavia destacou que o día de onte era “un gran día para Ribadavia, unha terra na que conflúen riqueza patrimonial, histórica e natural, e tamén a viticultura e o termalismo”.

No día de onte, tamén se inaugurou o Museo do Viño, situado na reitoral de Santo André de Camporredondo (Ribadavia)

Día de inauguracións en Ribadavia, xa que onte tamén se inauguraba o Museo do Viño, situado na reitoral de Santo André de Camporredondo. A este acto tamén acudiron as autoridades, Alberto Núñez Feijóo, Manuel Baltar e César Fernández. Ademais, estiveron presentes os responsables doutras denominacións galegas.

 

Brindis na inauguración do Museo do Viño.

Texto: Alba Prada

Tags

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close