EconomíaEconomíaÚltima hora

Ponse en marcha no comercio ourensán a segunda edición da campaña “Días Azuis”

Desenvolverase entre o 7 e o 21 de maio e destinará máis de 4.000 euros a premios para estimular as vendas nos establecementos de proximidade da provincia
A directora xeral de Comercio, no acto de presentación da campaña na CEO.

Visibilizar os establecementos que están a pé de rúa e dinamizar o comercio de proximidade. Con esta finalidade vén de poñerse en marcha a segunda edición da campaña “Días azuis do comercio galego”, organizada pola Federación Galega de Comercio, Abanca e a Xunta de Galicia.

No marco desta iniciativa, que se desenvolverá entre os días 7 e 21 de maio na provincia de Ourense, os clientes dos comercios que realicen as súas compras entre estas dúas datas poderán rexistrar o seu tícket en www.diasazuis.com, ou ben solicitar que a rexistre o propio comerciante. Isto permitiralles entrar no sorteo de 16.200 euros (4.000 por provincia) en 80 tarxetas prepago: 28 de 300 euros (sete tarxetas por provincia) e 52 de 150 euros (13 tarxetas por provincia), que deberán ser utilizadas polos gañadores nos establecementos tradicionais galegos. O sorteo, ante notario, realizarase o vindeiro 25 de maio.

A directora xeral de Comercio e Consumo, Sol Vázquez, participaba na mañá do 8 de maio na presentación desta campaña na sede da CEO, na cidade de Ourense. Tamén asistían a este acto o presidente da Federación Galega de Comercio, José María Seijas; a presidenta dos comerciantes ourensáns, Beatriz Gómez; o director territorial de Abanca en Ourense, Rubén Saavedra, xunto con outros representantes do comercio ourensán.

 

Os asistentes á presentación posando co material promocional desta campaña.

 

José María Seijas aseguraba que “o comercio vístese de azul durante esta campaña, identificándose cun círculo azul grande, imaxe da iniciativa, e outros elementos corporativos. Ademais, búscase promover o emprego das novas tecnoloxías, tanto polos consumidores como por parte dos comerciantes”.

Esta iniciativa, que o pasado ano sumou un total de 70.000 tíckets, enmárcase no Plan estratéxico de impulso ao comercio de Galicia que a Xunta está a desenvolver para reforzar este sector e que contempla un total de 55 accións específicas ata 2020.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close