OurenseÚltima hora

Pónse en marcha o proxecto de emprego para mozos EmprendOu

O obxectivo é afrontar o reto demográfico da provincia

 

O proxecto EmprendOu da Deputación de Ourense, pónse en marcha. Esta iniciativa ten como obxectivo afrontar o reto demográfico na provincia, de forma que se concederán axudas de 675 euros ao mes para mozos. O requisito é presentar proxectos empresariais ou de auto-emprego en municipios rurais de menor poboación.

Así, este proxecto está deseñado para persoas de entre 16 e 30 anos, para que poidan desenvolver a súa actividade empresarial, xa sexa individual ou formando parte dunha persoa xurídica de carácter mercantil, e o fagan naquelas áreas rurais afectadas polo gran desafío demográfico, os que se denominan “municipios elixibles”, en concreto, son 82 os concellos da provincia que poderán beneficiarse deste proxecto.

A dispoñibilidade orzamentaria para este programa de emprendemento, financiado polo Programa Operativo de Emprego Xuvenil do Fondo Social Europeo, ascende aos 2.025.000 euros, sendo a contía da axuda concedida ás persoas beneficiarias deste proxecto de 675 euros por cada mes de exercicio efectivo, cun mínimo de 6 meses e un máximo de 12 meses.

O presidente da Deputación, Manuel Baltar afirmou que o tema do despoboamento do rural é ocupa “un lugar prioritario na nosa folla de ruta. Bo exemplo disto é que, ademais de crear unha área específica para abordar esta cuestión, adoitaremos medidas de carácter social, económico e laboral como a creación do Observatorio do Medio Rural”.

Os interesados en solicitar estas axudas poderán facelo ata o 30 de novembro de 2019. Para máis información: https://www.emprendou.com/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close