En portadaÚltima hora

Por agora non hai data de reapertura para a estrada N-120, cortada entre Monforte e Velle

Así o dicía subdelegado do Goberno en Ourense na reunión que mantiña esta mañá co representante de APETAMCOR

 

O corte na estrada N-120 debido aos desprendementos, así como as obras de mellora previstas, centraban a reunión que o representante de APETAMCOR (Asociación Empresarial de Mercadorías por Estrada de Galicia), Alberto Vila, mantiña nesta mañá co subdelegado do Goberno en Ourense, Emilio González, tendo en conta que esta vía é a máis importante da provincia para o tráfico pesado, tras a A-52. Esta é ademais a principal vía de comunicación de Valdeorras coa capital da provincia.

O subdelegado sinalaba no encontro que por agora non é posible concretar unha data exacta de reapertura da N-120. Así mesmo, sinalou que é preciso priorizar a seguridade do tráfico e dos traballadores, ao ser necesario sanear os bloques inestables e soster coa seguridade adecuada a zona do talud afectado polos desprendementos.

 

Un dos momentos da reunión na Subdelegación do Goberno./ Foto cedida.

 

O subdelegado indicou que está en permanente contacto co Ministerio de Fomento e coa Unidade de Estradas do Estado en Ourense e que dende o día 8 de novembro, no que se produciron os desprendementos no PK 563+000 da marxe esquerda da N-120 sen causar danos a persoas nin vehículos, se está a traballar de forma continua na limpeza, saneo e estabilización do talud. Unha vez se consiga estabilizar, abrirase un carril habilitado con semáforos ao tráfico, mentres proseguen ao mesmo tempo as obras.

A decisión de cortar o tráfico no tramo da N-120 comprendida entre o PK 558+220 e o PK 564+600 adoptouse por seguridade, desviando os vehículos lixeiros pola N-120A (9 km cun recorrido adicional aproximado de sete minutos).

Para vehículos articulados a N-120 está cortada dende o P.K. 526+500 (Monforte de Lemos) ata o P.K. 564+600 (Velle), cun desvío a través da N-540 entre Ourense e Chantada e a vía autonómica CG 2.1 entre Chantada e Monforte (cun recorrido adicional de 23 km e 23 minutos).

Así mesmo, Emilio González afirmou que “se seguirá traballando para garantir a seguridade da N-120”, sinalando que o 14 de maio se aprobou un proxecto de rehabilitación do firme nos termos municipais de Rubiá, O Barco de Valdeorras, Carballeda de Valdeorras, Vilamartín, A Rúa e Larouco cunha inversión de 1,6 millóns de euros e que se atopan en redacción proxectos para a implantación de carrís de adiantamento na N-120 nos termos municipais de Ourense, Pereiro de Aguiar e Nogueira de Ramuín.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close