Coa idea de “crear cultura en torno á arte e máis concretamente ao deseño gráfico”, unha disciplina pouco extendida na zona, a valdeorresa Verónica Vieira González, deseñadora gráfica e directora de arte, decidía emprender a aventura da súa vida e montar un negocio propio en Valdeorras, abrindo unha fiestra á creatividade para adultos e tamén cativos.
Así nacía Por las Ramas, Arte e Deseño, un estudio creativo multidisciplinar que na tarde do 31 de outubro, en plena celebración do Samaín, abría as portas no centro do Barco.
Está ubicado na rúa Academia Dequidt Nº 4, e a súa creadora sente debilidade polas artes gráficas handmade ou coma se dixo toda a vida, artesanais, por iso no seu interior podemos atopar artigos feitos por ela mesma (camisetas estampadas e serigrafiadas, velas aromáticas, coxíns, bolsas de tea, chapas,…) aínda que o seu obxectivo máis moito máis aló tendo cabida moitas máis disciplinas:
- Deseño gráfico
- Dirección de arte
- Publicidade
- Serigrafía artesanal
- Fotografía
- Iustración
- Creación audiovisual
- Técnicas artesanas
- Cursos e obradoiros
O último apartado arrancará xa o vindeiro 4 de novembro con propostas para os máis pequenos como o curso “Crecer creativo” aínda que tamén desenvolverá actividades para os adultos como clubs de lectura, talleres de fotografía e estampación,… Os interesados en participar ou saber máis sobre as posibilidades deste estudio, poden poñerse en contacto coa deseñadora a través do correo electrónico: hola@porlasramasestudio.com, no teléfono: 9883 26 212 ou na páxina web: porlasramasestudio.com.
Fotos: Carlos G. Hervella
