Por primeira vez OSil.info retransmitirá en directo un debate político ás 20:30h. de mañá

Os candidatos pola provincia de Ourense ao Congreso do PP, Ana Vázquez; BNG, Iago Tabarés; En Marea, Iván Olmos: e PSdeG-PSOE, Marina Ortega, cara a cara dende Verín

Cartel do debate.

As eleccións xerais están á volta da esquina e mañá, 11 de abril, o Auditorio Municipal de Verín acollerá a partir das 20:30 horas o primeiro dos debates electorais dos candidatos por Ourense ao Congreso dos deputados.

O Sil, Diario do Támega e Dendealimia.com ofrecerán, en directo e a través das súas plataformas dixitais, o cara a cara dos cabezas de lista das catro formacións con representación no Parlamento galego de cara ao 28A: Ana Vázquez (PP), Marina Ortega (PSdeG-PSOE), Iago Tabarés (BNG) e Iván Olmos (En Marea). O debate estará moderado polo xornalista Xosé Lois Rúa.

 

 

Así, aproveitando as novas tecnoloxías O Sil, xunto cos outros medios colaboradores, retransmitirá por primeira vez un debate en directo, ofrecendo aos seus seguidores, a posibilidade de escoitar de primeira man as propostas para a provincia de Ourense do  Partido Popular, PSOE, Bloque Nacionalista Galego e En Marea.

Será posible conectarse para seguir o debate aos diferentes sitios web dos medios presentes: www.osil.infowww.diariodotamega.es, www.dendealimia.com. Tamén poderá verse a través das súas páxinas de Facebook, desde onde se emitirá en riguroso directo a partir das oito e media da tarde.

Ademais as persoas que queiran asistir persoalmente a este debate encontrarán as portas do auditorio de Verín abertas desde as 19:45 horas. Neste debate abordaranse temas de sanidade, infraestruturas, desenvolvemento económico, ensino…

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies