O diagnóstico positivo en Covid-19 dun traballador do Fogar Residencial de Vilar de Barrio vén de activar o protocolo de procura activa de casos asintomáticos neste centro residencial, “co obxectivo de detectar precozmente posibles contaxios entre esta poboación vulnerable”, informa a Consellería de Sanidade. Está previsto que mañá procederase ao cribado de todos os seus residentes, 40, e traballadores.
146 casos activos nas residencias galegas
Segundo a última actualización de datos da Consellería de Sanidade, os casos activos de Covid nas residencias de maiores galegas elévanse a 146: 101 en usuarios e 45 en traballadores. Os positivos entre os usuarios por centro son os seguintes: 13 na Residencia Orpea Coruña (Culleredo), 86 na Residencia O Incio (O Incio) e 2 na Residencia DomusVi Lalín.
No referente aos traballadores a distribución é: 5 na Residencia Orpea Coruña (Culleredo), 1 na Residencia DomusVi Monforte (Monforte), 26 na Residencia O Incio (O Incio), 1 na Residencia de Maiores de Paradela, 2 na Residencia Domusvi Lugo (Outeiro de Rei), 1 na Residencia de Maiores San Bartolomeu (Xove), 1 na Residencia DomusVi Barra de Miño (Coles), 4 na Residencia DomusVi Lalín,
1 na Residencia Volta do Castro (Santiago), 1 na Residencia Os Tercios (Touro), 1 na Residencia Nosa Señora do Socorro (Arnoia) e 1 na Residencia Vilar de Barrio.
