Publicidade
OpiniónÚltima hora

Postura da Asociación De Nai a Nai sobre o anuncio de peche do paritorio do Hospital de Verín

Artigo de opinión escrito pola Asociación de Nai a Nai

 

O Barco, 24 de novembro de 2019. Nos recentes días publicouse a noticia do peche do paritorio do Hospital de Verín, así como das Urxencias pediátricas, a partir do próximo día 1 de decembro.

Como asociación, queremos poñer de manifesto que estas noticias non reflicten máis que o continuo desmantelamento e peche de servizos que está a sufrir a sanidade pública comarcal, perdendo dereitos e obrigando ás familias para ter que desprazarse ás capitais de provincia para poder ser atendidas por servizos especializados.

Non podemos estar máis en desacordo coas razóns que o Sergas aduciu para tomar esta decisión. E despois pregúntanse por que a natalidade no rural segue baixando? E despois seguen criminalizando a aquelas mulleres que deciden parir nos seus fogares?

Por todo iso, a Asociación quere, por unha banda, mostrar a súa solidariedade coas familias afectadas e tamén a súa máis sinceira repulsa ante este tipo de políticas públicas que non fan máis que menoscabar os dereitos de todas e todos, especialmente da poboación máis vulnerable e carente de servizos públicos. A non atención ás mulleres e a redución dos seus dereitos tamén é violencia.

A Xunta Directiva da Asociación De Nai a Nai

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close