Publicidade
ConcellosGalerías de fotosÚltima hora

O potencial de desenvolvemento económico valdeorrés, nun seminario do GDR7

Este foro analizaba na Casa Grande de Viloira (O Barco) o presente e as perspectivas de futuro dos nove concellos de Valdeorras

As posibilidades do Leader como unha ferramenta de desenvolvemento do rural e o novo período deste programa europeo ata o 2020 poñíanse sobre a mesa no decurso do Seminario, “Desevenvolvemento Rural Leader”, que tiña lugar na mañá do 11 de outubro na Casa Grande de Viloira (O Barco).

O programa inaugurábase coa intervencióni da presidenta do Grupo de Desenvolvemento Rural de Valdeorras (GDR7), María Carmen González, quen destacaba que o Leader “contribúe a manter un rural vivo e a fixar poboación cun enfoque de abaixo a arriba, no que a iniciativa de capitanear o desenvolvemento da contorna parte das propias comunidades locais, que se ocupan de analizar as súas propias fortalezas e debilidades para determinar a estratexia que se debe implementar”.

Logo interviña o coordinador da Rede Estatal de Desenvolvemento Rural (REDER), Víctor Jolín, quen se centraba nos “Principios de aplicación Leader 2014-2020” e, a continuación, dábase paso a unha mesa redonda moderada polo xerente do GDR7, Luis A. Rodríguez, quen expoñía as fortalezas, debilidades e oportunidades da comarca de Valdeorras de cara a poñer en marcha novas iniciativas económicas e empresariais, ademais de expoñer as liñas subvencionables dentro do Leader.

Ademais participaba nesta mesa redonda o xerente do Clúster da Pizarra de Galicia, Severino González, quen amosaba a situación actual do sector da lousa, explicaba onde se sitúa (principalmente no rural e na comarca de Valdeorras), cales son os seus mercados e o peso que teñen na economía galega, pero tamén estatal. Finalmente, o director comercial da cooperativa do Barco, Alfredo Vázquez, incidía na importancia do acceso á financiación á hora de poñer en marcha un novo proxecto económico no rural.

O seminario completábase cun obradoiro de experiencias Leader, moderado por Víctor Jolín, coordinador da Rede Estatal de Desenvolvemento Rural, no que diversos xerentes de grupos de desenvolvemento rural de Galicia e do Bierzo compartían experiencias de xestión.

Fotos: A.R., agás a última da galería.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close